مهرها كان ربع جنيه.. السر المخفي وراء انفصال عمرو دياب وشيرين رضا
فنانة جميلة ومتألقة.. وبسبب آرائها الجمهور بيدخل في جدل كبير.. بتتكلم بكل جراة عن حياتها الشخصية.. قالت انها ندمانة على فكرة زواجها في سن صغير..و بتطالب بحرية اكتر في حياة الست.. وبسبب كدة بتواجه مشاكل كتيرة
النجمة “شيرين رضا” في آخر تصريحات ليها كشفت عن مفاجأة خاصة بجوازها في سن صغير، واعترفت بانها غلطة كبيرة ندمانة عليها.
قالت في حوارها “شيرين” انها اتجوزت صغيرة اوي، وخلفت صغيرة كمان وده كان غلط، لأنها كانت لسة طفلة، ده غير إن فكرة الجواز دلوقتي بقت فكرة مزيفة.. وقالت انها مش ضد الجواز، لكن ضد جواز البنت بالطريقة اللي حصلت معاها.
شيرين رضا ليها آراء صادمة في حياتها اللي كلها مفاجأت.. لما سالوها في مرة عن وصيتها في آخر أيامها، قالت: “مش عاوزه حد يعيط عليها ومش عاوزه بنتها تعمل عزا بالعكس عايزه حفلة يوم وفاتها.
“شيرين رضا” ممثلة مرموقة لما اتكلمت عن تأثير والديها على شخصيتها قالت انهم علموها قيم ومبادئ بتعتز بها
الفنانة “شيرين رضا” اتجوزت في حياتها مرتين الأولى كانت من المطرب العالمي عمرو دياب وما استمرتش معاه غير 3 سنوات وانفصلت عنه سنة 1992 وخلفت منه في الفترة دى بنته نور.
بعدها اتجوزت شخصية سعودية تقيلة وهو سلطان كمال أدهم ابن رجل المخابرات السعودي الشهير كمال ادهم ودي فيها حكايات كتيرة.
كمال ادهم كان من المقربين للملك “فيصل آل سعود” لانه كان بيشغل منصب مستشار الملك، وكمال هو الأخ غير الشقيق للملكة عفت الثنيان آل سعود
وكان لكمال أدهم صوت مسموع في عدد من الملفات السياسية في منطقة الشرق الأوسط وخاصة المنطقة العربية.
شيرين ليها افكار غريبة في حياتها، يعني مثلًا لما سألوها عن فرح بنتها “نور عمرو دياب” من حبيبها الاحنبي قالت كلام صادم.بتقول ان العيلة مش بتؤمن بفكرة إن العروسة تلبس فستان فرح، لان عمرها ما لبست فستان فرح
لكن شيرين قالت انها لبست الفستان بس في التمثيل مش في الحقيقة، وشايفة إن كل واحد حر يعمل اللي هو عايزه، ودي أفكار شخصية والحفلة الكبيرة دي فلوسها كتير».
شيرين رضا في مرة كان ليها لقاء كشفت فيه عن مفاجاة لما قالت إن جوزها باعها مع اعز صديقة ليها.المعلومة دي قالتها “شيرين رضا” لما كانت في لقاء تلفزيوني هي والفنانة يسرا وقتها قالت شيرين إن جوزها باعها مع واحدة صاحبتها.
فردت يسرا قالت لها “عملتى إيه؟”..فقالت انها اكتشفت ده وقررت متكلمهاش تاني رغم انها كانت الصديقة المقربة منها.
“شيرين رضا” كانت عملت ضجة كبيرة اوي قبل كدة لما قالت في برنامج “بصراحة” إن مهرها من المطرب عمرو دياب كان 25 قرش وده اللي اتسبب في ازمة..
وقتها قالت انها كان ممكن تطلب مهر 100 مليون دولار مفيش مشكلة، لكن المهر مش كل حاجة للعروسة بقدر ما هي عاوزة الامان في حياتها معاه، وكمان يهم البنت ان خطيبها شاريها
