أحمد سعد: ”رفضت أغنية الغزالة رايقة علشان مش شبهي”
كشف المطرب أحمد سعد عن تفاصيل أغنيته التي تحمل اسم "سايرينا يا دنيا"، مشيرا إلى أنه تخلى عن أغنية "الغزالة رايقة" من أجلها، وذاك خلال استضافته في "راديو إنرجي" الذي يقدمه الإعلامي وائل منصور وزهرة رامي.
الغزالة رايقة مش شبهي
وقال أحمد سعد: "اتعرضت عليا أغنية سايرينا يا دنيا وأغنية الغزالة رايقة واخترت سايرينا وتخليت عن الغزالة رايقة؛ لأنها مختلفة ومش شبهي، وبفكر أعمل ألبوم للأطفال الفترة الجاية وبالفعل عرضت الفكرة على الملحن إيهاب عبد الواحد ووافق وقال لي إنه بيفكر في نفس الشيء".
تطرق سعد للحديث عن استقالة الفنان هاني شاكر قائلا: "كامل الاحترام والتقدير لجميع أطراف المشكلة التي حدثت، لكن أستاذ هاني قيمة كبيرة ودايما في أي بروفات أو حفلات بيكون في وضع وصورة مشرفة سواء في مصر أو في الوطن العربي، بالتالي مينفعش النقابة تخليه قاعد في مكان لا يليق بيه".
هاني شاكر دمه خفف بس أغانيه حزينه
وتابع المطرب أحمد سعد قائلا: "أستاذ هاني شاكر دمه خفيف جداً بس الأغاني بتاعته بتدل على حزن، لكن هو دمه خفيف جداً".
وفيما يخص تعاونه مع هاني شاكر في أغنية "يا بخته" قال: "لما ضحكنا في الفيديو الشهير اللي انتشر كنا طبيعين جداً، الانترفيو بدأ واحنا أصلا بنضحك، فكنا جاهزين للضحك المستمر بالشكل اللي ظهر".
أغنية وسع وسع
وكان أحمد سعد قد طرح مؤخرا عبرقناته على موقع اليوتيوب، أغنية حملت اسم "وسع سع" من كلمات مصطفي حدوتة، توزيع إيهاب كلوبيكس.، وحققت نجاحا كبيرا.
وتقول كلمات الأغنية: "شوف انت عامل و انا عامل ايه شوف انت قد ايه و انا قد ايه شوف انت اصلك ايه و انا اصلي ايه ده اللي انت فرحت بيه انا متعود عليه انا اللي ليك امان و عارف من زمان من غيري تعمل ايه هتبوظ اكتر كمان تفضل مشغول بحالي بالمكسب اللي جالي واللي من مخي واقع هتموت و تلاقيه وسع وسع وسع مين اللي جاي يستني دوره جاي اهلا باللي عايز سيبوه انا عايزه حي مين اللي جاي يستني دوره جاي اهلا باللي عايز سيبوه انا عايزه حي".
