بعد قرار القبض عليه.. زوجة عصام صاصا: "مسمعتش كلامي ليه"
وجهت جهاد ماهر، زوجة مطرب المهرجانات عصام صاصا، رسالة له قائلة: "مسمعتش كلامي ليه!"، بعد وضع اسمه على قوائم الترقب والوصول وصدور قرار من مكتب النائب العام بالقبض عليه في المطار فور وصوله إلى مصر بتهمة تعاطي المخدرات.
وقالت جهاد في رسالتها عبر حسابها على موقع التواصل الاجتماعي إنستجرام عبر خاصية الاستورى قائلة: "أنا مش زعلانة منك علشان مكنتش بتصدقني لما بقولك خلي بالك على نفسك وانت تقولي أنا عارف أنا بعمل إيه، وبعد كده تكتشف إن كان لازم تخلي بالك. بس والله هترجع أحسن من الأول يا صاصا، عشان انت من جواك كويس وربنا أكيد عارف نيتك ومش هتتظلم".
واختتمت رسالتها قائلة: "وهترجع تاني أقوى من الأول".
وقررت النيابة استعجال ضبط واحضار عصام صاصا مطرب المهرجانات الهارب بدولة الامارات عقب اخلاء سبيله في قضية دهس شاب اعلى الطريق الدائري.
