الرئيس السيسي: مراكز البيانات والحوسبة السحابية تكلف مليارات الدولارات
قال الرئيس عبدالفتاح السيسي، إن 90% من الكابلات البحرية الموجودة فى العالم تمر عبر مصر، مضيفا: "إحنا قصدنا نحط شريحة معينة (7/20 ) علشان نقول، الفكرة كلها إن إحنا موجودين فيه النهارده إن لينا موقع كويس قوي ممكن نستفاد منه، وبالفعل بدأنا في ده من سنين طويلة فاتت وهو موضوع الكابلات البحرية اللى بتعدي 90% من الموجود في العالم عندنا، بالتالي لما نيجي نتكلم إن مصر نقطة أو محور رئيسي لنقل البيانات والاتصالات بين الشرق والغرب وده اللى أتاحه لنا موقعنا".
وأضاف الرئيس السيسي خلال افتتاح مركز البيانات والحوسبة السحابية الحكومية:"لما تيجي تشوفوا حجم الأرقام اللى انفقناها.. دي أرقام كبيرة قوي.. بنتكلم عن مليارات الدولارات.. كتير مننا ما يحسش بالكلام ده يقولك يعني صرفتوا ده كله علشان أيه؟ طيب كمواطنين والدنيا غالية علينا نستفاد أيه؟ نستفاد إن إحنا نجهز بلدها بالانطلاق الحقيقي".
ويعد مركز البيانات والحوسبة السحابية (P1)أول مـركز يقدم خدمات (تحليل ومعالجة البيانات الضخمة - الذكاء الاصطناعي) فى مصـر وشمال أفريقيا طبقًا لأحدث التقنيات العالمية، باشتراك أكثر من (15) شركة محلية / عالمية، وأكثر من (1200) مهندس / عامل، أكثر من (5000) ساعة عمل.
ويعمل المركز على تقديم التطبيقات الحرجة والمدفوعات والتطبيقات المرتبطة بالذكاء الاصطناعي وتحليل البيانات الضخمة لصناعة القرار على كافة المستويات بالإضافة إلى عمله كبديل نشط لمـركز البيانات الحكومية بالعاصمة الإدارية.
كما يعمل على استخدام تكنولوجيا الحوسبة السحابية والذكاء الاصطناعي والبيانات الضخمة فى تحليل البيانات الحكومية، كما يعمل كمـركز وطنى موحد لبيانات التعافي من الكوارث، وتوطين استخدام تكنولوجيا الذكاء الاصطناعي فى القطاع الحكومي، وتوفير كافة البيانات الدقيقة والموقوتة للجهات الحكومية.
