"مكنتش أعرف ربنا".. نيكولا معوض يثير الجدل ويكشف أسرار في حياته الخاصة
كان ملحد ومقضيها شرب خمره وحشيش واتعرض للتحرش وهو صغير وبيقول عملت حاجات كتير غلط، عرفت اكتر من ١٠٠ ست في حياتي، الفنان نيكولا معوض صدم الجمهور بتصريحات جديده ليه.ياترى أى اللي قاله خلاه قالب الدنيا ومتصدر التريند ؟
الفنان اللبناني نيكولا معوض، اتصدر التريند الساعات اللي فاتت بسبب تصريحات قالها في برنامج كتاب الشهرة مع الاعلامي علي ياسين.. واللي صدم بيها جمهوره، وكمان اتكلم عن اسرار كتير في حياته الخاصة وكشفها للجمهور
وقال نيكولا معوض: ” انا كنت ملحد وانا عندي ١٧ سنه وكنت تايهه وجت عليا فتره مكنتش عارف اخد قرار وساعتها قررت اني لازم افكر وقرأت كتير وبعدها امنت بوجود ربنا وانا عندي ٢٥ سنه، لما لقيت الشر موجود في حياتي وحياه اللي حواليا وكنت مصاحب ناس ممشيني في طريق وسكه غلط بس بصيت حواليا لقيت ربنا في كل حاجه في حياتي، وعمري ما هرجع للالحاد تاني وانا متأكد من وجود ربنا بالعقل والمنطق.
وبيقول كمان انا ادمنت على شرب الخمره وكل انواعها في فترة من حياتي بس مكنتش مدمن علي شرب المخدرات والحشيش، انا بس كنت بشربهم مجامله مع اصحابي في السهرات وليالي الفرفشة..و في مره كنت شارب وسوقت العربيه ساعتها وبعدين وانا ماشي علي الطريق كنت هعمل حادثة وده بسبب اني نمت وانا بسوق ومكنتش شايف قدامي.
نيكولا معوض اتعرض للتحرش من راجل وهو عنده ١١ سنة والموضوع ده فضل مأثر عليه لسنين كتير وكان بيحس دايما بأحاسيس غريبه.
وحكي انه مكنش عارف يحكي لاهله عن حادثه التحرش اللي اتعرض ليها وقال: اللي خلاني مقولش حاجة عشان مكنتش عاوز أزعلهم أو أدخل ابويا في مشكلة لأن كان حد بيخاف جدًا علينا وكان ممكن يوصل الأمر بيه انه يقتل الراجل ده عشان يحمي عيلته والراجل اللي اتحرش بيا قالي لو قلت لأبوك انت عارف ابوك هيجي ويقتلني وهيدخل السجن عشان كده مقولتش لحد وخوفت علي ابويا.
ولما اتسأل عن ازاي اتخطي وعدي الازمه دي رد وقال: " لما كبرت وفهمت الدنيا كويس، عرفت اني مش الغلطان ولا المذنب، ولكن انا بكل أسف واحد من ضحايا التحرش.
نيكولا معوض قال انه مش عارف كام عدد الستات اللي عرفهم في حياته وبيقول من كترهم مش قادر احدد كام بس علي الاغلب عرفت أكثر من 100 ست وكنت علي علاقهم بيهم وقال كمان: “أنه اتجوز وهو عنده 42 سنه وشايف ان ١٠٠ علاقه مع ست ده مش رقم كبير بنسبه لواحد اتجوز في سن متأخر.
نيكولا كمان قال انه عاش طفولته كلها في الملاجيء بسبب الحروب اللي حصلت ساعتها وانه عنده عقده من غروب الشمس والالعاب النارية لانهم بيفكره بأيام الحرب، وكمان قال انه اتعلم اللهجه المصرية قبل مشاركته في مسلسل " ونوس" با ٣ اسابيع لما كان بيقعد عند بقال تحته بيته في الزمالك ويفضل يتكلم معاه عشان يتعود يتكلم باللهجة المصرية وفعلا بدأ يتعلم واحده واحده
و رد نيكولامعوض علي الانتقادات اللي جاتله بعد تصويره في مشهد في الفيلم العالمي "Three Thousand Years of Longing" للمخرج جورج ميلر اللي ظهر فيه وهو عريان، وقال أنه فخور بمشاركته في الفليم وشايف ان المشهد اتصور بطريقة فنية عالمية والمشهد كان بيخدم القصة والسيناريو.
وفي البرنامج سأله الاعلامي علي ياسين لو كان حادثه تعرضه للتحرش وهو صغير هي اللي خليته لما يكبر يتمرد علي حياته ويبقي عنده علاقات بستات كتير، فرد نيكولامعوض وقال: هي وجهة نظر وسؤال غريب مكنتش اتخيل اتسأله ومفكرتش فيه قبل كده بس ممكن يكون رده فعل لكل اللي اتعرضت ليه في طفولتي”.
