أغرب إطلالة هتشوفها في حياتك.. "أحلام الكويتية" تثير الجدل بموسم الرياض
حالة من الجدل الكبير عملتها المطربة أحلام خلال الساعات اللي فاتت بعد انتشار صورة ليها من حفلتها في موسم الرياض.. وظهرت أحلام خلال حفلتها بإطلالة غريبة شوية وكانت لابسه فيها مجوهرات كتيرة وحلق ضخم جدا، شبهوه بعض متابعينها بالنجفة!، وناس كتير انتقدتها خصوصا مع الظروف الاقتصادية الصعبه اللي الناس بتعيشها الفترة دي.
حلق دا ولا نجفة؟، هو مش النجف بردو بيتعلق في السقف؟”. بالجملة دي انتقد واحد من متابعين النجمة الإماراتيه أحلام. وده لأنه كان بيسخر من الحلق الضخم المرصع بالألماس اللي كانت لابساه في ودنها وهي بتحيي حفلة ليها في الرياض.
وظهرت أحلام في الحفلة دي بإطلالة مختلفة وغريبة وتحديدا فى الإكسسوارات اللي كانت لابساها على المسرح لكن اللي لفت نظر الناس هو الحلق وده لأنه كان ضخم اوي وغريب.
وطبعا انهالت عليها التعليقات الساخرة بسبب حجم الحلق واللي مكنش أصلا لايق على إطلالتها، وده اللي خلى ناس كتير يسخروا منها ويعلقوا تعليقات سلبيه وقالوا إن ده نجفه مش حلق،واحد منهم كتب النجف بيتعلق في السقف مش في الودان يا أحلام!.
ولكن الناس متعودة دايما من أحلام إنها بتلبس مجوهراتها بطريقة مثيرة خاصة إنها بتكون غالية وكتيرة وعلطول اللوك بتاعها بيكون مختلف وعشان كده بتكون ترند مباشرة بعد احياء حفلاتها.
وعشان كده كانت دايما بتكون ترند وبتثير الجدل في برامج “أراب آيدول” و”ذا فويس”، اللي شاركت فيهم كعضوة في لجنة التحكيم.
وده لأنها كانت دايما بتتباهى قدام جمهورها بمجوهراتها، وده اللي خلى نانسي عجرم تحرجها في مرة وتقولها إن جوزها مش بيشتريلها مجوهرات زي جوز أحلام القطري مبارك الهاجري.
ولو انت مش عارف فـ أحلام تعتبر من أكثر الفنانات ثراءً في الوطن العربي والشرق الأوسط، وده لأنها بتمتلك ثروة تقدر بـ25 مليون دولار أمريكي.
مش بس كده الملبغ ده ولا حاجة جمب كتير من الممتلكات اللي عندها مثلا عندها طيارة خاصة بتسافر بها وبيوت كتيرة وقصور في دبي ولبنان وباريس ولندن، ومتعدوش بقا أسطول من السيارات اللي أنوعها مختلفة ما بين بورش ولامبرغيني وغيرها.
والمعروف عن أحلام إنها بتحب المجوهرات كتير فمثلًا في ألبومها الأخير اتعملها عقد مصمم مخصوص ليها عشان تلبسه من الماس وقيمته كانت حوالي 2 مليون دولار.
مش بس كدة دي في مرة لبست فستان في 2012 في برنامج أراب أيدول كان سعره مليون و300 ألف دولار.
ومش بس كده دي فاتورة تليفونها برقم خيالي وده لأنها لما اتكلمت عنها في برنامج “كاربول كاريوكي” قالت إنها فـ 3 أيام بس دفعت فاتورة بـ3 آلاف دولار يعني كل يوم ألف دولار.
أما بقى بخصوص الحلق اللي لبسته أحلام في حفلتها الأخيرة عمل حالة من الغضب بين متابعيها.
تفتكروا الحلق ده سعره كام؟
طبعًا ناس كتيرة سألت عن سعر الحلق ده واللي متوقع يكون سعره مش أقل من مليون جنيه، وده اللي استفز مشاعر الناس خاصة وإن معظم الدول العربية الفترة دي بتعاني من ظروف اقتصاديه صعبه، وعشان كده الناس شافت إنه تصرف أحلام مبالغ فيه.
مش بس كدة دي في مرة لبست فستان في 2012 في برنامج أراب أيدول كان سعره مليون و300 ألف دولار.
وده لأن الحلق كان ملفت جدا وضخم على شكل ثريا واللي على الأغلب بتكون مصنوعة من مستويات متعدّدة وفيها تفاصيل كتير متدلية من الكريستال والأحجار الكريمة والخرز.
الغريبة إن أحلام في نص الحفلة غيرته ولبست حلق تاني حجمه أصغر، واعتبر الناس انها عملت كده عشان تهدي غضب الناس على مواقع السوشيال ميديا.
