جدعنة المصريين أنقذت سعودي.. قصة خناقة استمرت 6 ساعات "تفاصيل"
عندما تسأل عن معنى الرجولة والجدعنة يأتي مصر أم الدنيا، جدعة المصريين أنقذت سعودى من الموت، خناقة كبيرة بين واحد سعودي وواحد باكستاني على أرض المملكه، لو كانت استمرت دقيقة واحدة بس كان أكيد واحد هيفقد حياته فيها، لكن ستر ربنا كان موجود مصريين فضوها، إيه سبب الخناقه بين السعودي والباكستاني ؟ وايه اللى عملته الشرطة مع المصريين اللى فضوا الخناقه ؟
خلال الكام ساعه اللى فاتوا كان فيه خناقه كبيرة في السعودية في الرياض بين واحد سعودي وواحد باكستاني جايب معاه أصحابه بتوع كمال الاجسام.. زي ما شفتم في أول الفيديو كده، الباكستاني اتحرك من مكانه وراح على السعودي وقام ضربه بالبوكس راح بعدها السعودي واقع في مكانه، وكان رايح يكمل عليه الباكستاني بس لحقه مجموعة من الشباب المصريين اللي كانوا موجودين هناك فى المنطقة ونازلين السوبر ماركت يجيبوا طلبات، ده على حسب ما بيتقال على السوشيال ميديا…
الشباب المصري ده وعلى حسب الكلام المتداول أول ماشافوا الخناقه طلعوا عليهم جرى، يفضوا الخناقه، بس للأسف على ماراحوا كان السعودي مضروب، وواقع فى الأرض، بس الحمدلله انقذوه قبل ما كان رايح عليه الباكستاني يكمل ضرب فيه وكان هيساعده في كده مجموعه من أصحابه بتوع كمال الاجسام.
وأول ما الشباب المصري راح عند الخناقه، الجماعة الباكستانيين رجعوا مكانهم وحاولوا يهربوا بس طبعا وزى ما انتم عارفين علاقة الحب والاخوه بين المصريين والسعوديين وجدعنه المصريين اللي الناس بتحكي وبتتحاكها بيها في كل مكان جمب اي حد خلتهم يمسكوهم قبل ما يهربوا ولحد ماجات الشرطه اخدت الكل وحققت معاهم.
اتضح بعد تحقيقات الشرطة السعودية أن سبب الخناقة اصلا كان تافه جدا ومكنش يستاهل كل اللى حصل ده، طلع أن السبب ان كان فيه خلاف علي مين يمشى قبل مين في الشغل.
الشرطة أحالت الاتنين على النيابة وحققت معاهم وفى نفس الوقت وعلى حسب ما بيتقال، ان الشرطة السعودية كرمت الشباب المصري الجدع اللى لولا هما فى الآخر كان ممكن تحصل كارثه والسعودي ده يروح فيها، بس موضحتش التكريم ده هيكون فلوس ولا فرصه شغل ولا اي بالضبط.
بعد المشكله دي طلع عدد كبير من السعوديين على السوشيال ميديا كانوا بيطالبوا بتكريم الشباب المصري وطالبو ان التكريم يكون علي قد المقام، وياخدوا عربية بمليون جنيه مثلا لكل واحد فيهم، أو حتى شيك بنكى يصرفوه وقت ما يحبوا، وفيه كمان اللى طلع وطالب أهل الشاب نفسه اللى انقذوه، وقالوا انه بنفسه لازم يعمل تكريم للشباب المصرى، ما لولا هما ماكنش فضل عايش لحد دلوقتى وكان مات.. الغريب واللي كان غير متوقع بقى أن الشباب المصري رفض كل الهدايا وكل اللي كان بيتقدمله، وقالوا إنهم عملوا كده عشان الأصل الطيب والجدعنه وان ده رجوله منهم مش عشان خاطر فلوس ولا حاجه وان لو اي حد مكانهم هيعمل كده.
