نهاد أبو القمصان: ”بنات أيه اللي نستوردهم.. بلاش جنان”

أبدت الحقوقية والمحامية نهاد أبو القمصان رئيسة المركز المصري لحقوق المرأة تعجبها من الهجوم عليها بسبب الكلام المتداول على لسانها:" عايزين نستورد بنات".

وأضافت في منشور على صفحة حكايات نهاد على فيسبوك: أي حد شاف وسمع الكلام اللي أنا قلته ( في برنامج حديث القاهرة) هايعرف بسهولة وبدون أي لبس إن الكلام كان في سياق احتجاجي يسخر من اللي بيروجوا طول الوقت لتعدد الزوجات بحجة إن الستات اكتر من الرجالة في المجتمع .

وأكدت نهاد: " الكلام كان على الهرم السكاني المصري اللي نسبة البنات والسيدات فيه ٤٨,٥٪؜ طبقاً للتعبئة والإحصاء وده معناه البنات أقل من الأولاد ، علشان اللي بيدعو للتعدد لأن البنات عددهم أكبر محتاج يرجع للتعبئة والإحصاء".

واختتمت قائلة:" بلاش جنان ..بنات إيه اللي تستوردوهم؟!"