في عيد ميلادها ال41 .. تعرف علي ابرز تصريحات رضوي الشربيني المثيرة للجدل ضد الرجالة
احتفلت الإعلامية رضوى الشربيني، مقدمة برنامج "هى وبس" على قناة "cbc سفرة"، بعيد ميلادها الواحد والأربعين، ووجهت الشكر لكل من قدم لها التهنئة والمعايدة بهذه المناسبة ووصفتهم بأنهم "أحلى حاجة في الدنيا".
وشاركت رضوى، عبر حسابها على انستجرام، متابعيها بصورا من احتفالاتها بعيد ميلادها، صحبتها وكتبت: "أنا كده تميت 41 سنة ومش عارفه أنا كده كبرت ولا إيه.. ربنا يستر بقى"، مضيفة: "لكل أهلي وأصحابي وحبايبي.. شكرا على كل كلمة وكل معايدة ورسالة ومكالمة تليفون، أنتم أحلى حاجة في الدنيا، اللهم عاما من الصحة والستر".
رسائل رضوي الشربيني ضد الرجل
قالت رضوي الشربيني عبر برنامجها هي وبس: "ليه لما بتنتهى الحكاية يتقال عليك خاين أو مخادع أو راجل غدار.. كل بنت انت بتدخل معاها فى علاقة أو بتديها كلمة أو بتديها أمانى وبعدين ما بتنفذش كلامك وتكتشف البنت إنك مخادع ده ذنبه عند ربنا كبير جرح قلوب البنات مش سهل".
وواصلت حديثها فى رسالتها للرجال: "اختاروا اللي تليق على حياتكم اختاروا اللي تليق على شخصيتكم .. في واحدة تقبل إنك تتجوز عليها واحدة تانيه لأ.. لو إنت من الرجالة اللى عاوزة تتجوز مثنى وثلاث اختار الست اللى تقبل ده ليه تختار ست مش قابلة ده".
وتابعت:للرجل الخائن "لما بتعرف واحدة واتنين وتلاتة وخمسة على بعض فى نفس الوقت! هما مش بنى آدم زيك عندهم مشاعر وكرامه وكبرياء".
وووجهت حديثها للسيدات وقالت: "الست أو البنت مسئولة اكتر من الراجل الخاين او المخادع في العلاقة كنتي فين وهو بيهمل فيكي ! لازم تتعلمي تقولي لأ ولازم لما تقولي لأ تبقى لأ".
تعليق رضوي الشربيني علي الحجاب
سببت رضوى الشربيني جدلًا بسبب تعليقها على أزمة الحجاب، وتسبب ذلك في انتقادها بشكل واسع على منصات التواصل الاجتماعي، من قبل الرافضين للحجاب، وذلك بعد توجيهها عدة نصائح لهم خلال برنامجها قائلة: «أوعى تقلعي الحجاب أنتي أحسن مني ومن غير المحجبة 100 ألف مرة.. غير المحجبة شيطان نفسها أقوى من إيمانها وقوتها، وأنتي أحسن عند ربنا».
