تامر حسني عن حفلته بالإسكندرية: ”عيني مكانتش عارفة تجيب آخر الجمهور”

علق الفنان تامر حسني، على حفلته في الإسكندرية التي أقيمت أمس؛ وشهدت حضوراً جماهيرياً ضخماً .

وكتب تامر حسني عبر حسابه على موقع التواصل الاجتماعي فيس بوك :" في اسكندريه إمبارح مكانتش حفله كان حدث مش عادي بجد عيني مكانتش عارفه تجيب آخر الجمهور حضوركم الكريم ده هفضل فخور بيه طول عمري ".

تابع:" اتشرفت بتقديمي لـ ١٣ موهبه مصريه من مختلف محافظات مصر وفعلاً كسروا الدنيا بأصواتهم اللي فوق الرائعه وعازف الساكس الصاعد المتميز اللي قدمته وموهبته كانت مفاجئه كبيره للجمهور".

وأضاف:" فخور بتنظيم ادهم بكري الشاب الجميل الاسكندراني اللي كان بيحبني من وهو ١٥ سنه و قولتله لو بتحبني اوي لازم تنجح ووعدني انه هينجح والنهارده عنده ٣٠ سنه ومن كبار منظمي حفلات اسكندريه، ويكون صاحب الحفل الأضخم في تاريخ حفلات مصر".

ؤاستكمل :" بشكر رجال الأمن كل الشكر مجهود عظيم في دخول وتأمين عدد خرافي زي دا لحد دلوقتي مفيش كاميرات عرفت تصور الجمهور رغم كل الصور دي بس قريب هينزل تقرير كبير عن الحفله هيكون اوضح.

واختتم :" ان شاء الله شكراً طلاب الاسكندرية حبايب قلبي شكراً لكل شعب اسكندريه العظيم الراقي المحترم شكراً لكل الوحوش اللي تعبوا في المسرح الكبير ده وإخراج الحفلة بالشكل العظيم دا اللي يليق بإسكندريه و شعبها".