منى زكي تكشف سر رفض والدها زواجها من أحمد حلمي

حلت الفنانة مني زكي ضيفة في برنامج "سهرانين" الذي يقدمة الفنان أمير كرارة الذي تم عرضة علي شاشة"ON" فى أولى حلقات الموسم الجديد.

تحدثت منى زكى عن بداياتها الفنية، قائلة: "فى فيلم السادات عملت 3 اختبارات كاميرا ولم يقتنع بى المخرج محمد خان، فى بداياتى ناس كتير كانت شايفة إنى لا أصلح للتمثيل، وإنى محظوظة لكن مش ممثلة كويسة ولا حاجة ، الدنيا مكانتش وردى".

وعن ذكرياتها مع الإمبراطور أحمد زكى، قالت: "بعشقه الله يرحمه.. أنا كل مرة كنت بقابله بقابل الشخصية اللى بيمثلها.. وفى فيلم حليم أحمد زكى كان تعبان، وفى نفس الوقت كان بيمثل، كنت زعلانة إنى شايفاه تعبان، لكن التمثيل كانت الحاجة اللى بتفرحه".

أما مى فاروق فقالت: "قابلت أحمد زكي وغنيت قدامه، حضنى وقالى هتبقى حاجة كبيرة قوي".

ومن ناحية أخري، كشفت منى زكى عن أول هدايا أحمد حلمى لها وقالت: "مرة جاب لى سلسلة ذهب ومكانش معاه فلوس، وأنا مجبتش له حاجة".

وتابعت منى زكى أن حلمى صارحها بحبه وقال لها بحبك فضحكت: "كانت مشاعرى متلغبطة، وقعدنا سنة ونص أصحاب بس".

وأكملت حديثها قائلة: "أبويا كان رافض.. كنت بجيب قرايبى عشان يقنعوا بابا بجوازى من أحمد حلمى"، وبخصوص تزامن يوم ميلادها مع نفس ميلاد زوجها أحمد حلمى، قالت: "عيد ميلادنا فى يوم واحد ، كنت فاكراه بيشتغلنى وبيرسم عليا وكدة، استحالة يكون فى نفس اليوم، ودى حاجة مش لطيفة، كأنه مش يومك، وبطلنا نجيب هدايا لبعض".

وعن أسباب حبها لأحمد حلمى قبل الزواج، قالت: "حلمى حنين ومش بيتكسف يقول مشاعره على عكس الرجالة، حبيت ده جدا ومازلت"، كما صرحت أن أبيها لم يوافق على زواجه من حلمى فى البداية، لشدة حبه لها وكان يقول: "مين ده اللى جاى ياخد بنتى منى.. لكن فى النهاية أبويا توفى على إيدى أنا وحلمى".

وكشفت منى زكى إنها كان لديها قصة حب قبل زواجها من حلمى لكنها فشلت، بعدها نصحنى والدى نصيحة قائلا: "خليكى يا منى زى النجيلة " بمعنى أن الحركة قد تكن ابطأ على النجيلة لكن بعد المرور منها يعود الإنسان إلى سرعته العادية من جديدز