”جلسات الستات كلها ذنوب”.. عفاف شعيب تكشف تفاصيل عن حياتها الخاصة

حلت الفنانة عفاف شعيب،اليوم ضيفة على الإعلامية ياسمين عز ببرنامج " كلام الناس" والمذاع عبر قناة " إم بي سي مصر"، وتحدثت خلال اللقاء عن زواجها وتعرضها للسحر..

عفاف شعيب مبقاش عندي أصحاب والستات بيسجلوا لبعض

وسالت الإعلامية ياسمين عز، عدة اسئلة للفنانة عفاف شعيب، قائله: "فيه مواقف غيرة حصلت معاكي؟"، واجابت قائلة: "حصل كثير".

وقالت عفاف شعيب: "المشكلة حاليا أما بيكونوا ستات مجتمعين بيسجلوا لبعض وهما قاعدين مع بعض"، متسائلة: "ليه وصلنا لكده، لأن ده اعتداء على حرمة الغير..وصحابي محدودين جدا، وكان ليا صحاب بعدد طوب الأرض، لكن دلوقتي لا لأن فيه حاجات كتيرة حصلت وكلام كتير".

عفاف شعيب: بطلت أقعد مع ستات عشان جلساتهم كلها ذنوب

وواصلت حديثها: "الحجاب عصمني من حاجات كتير وبطلت أقعد مع ستات عشان جلساتهم كلها ذنوب.. قبل ما اتحجب كنت بحضر كل المهرجانات وعمري ما قولت فلانة لابسة أحسن مني أو حاجة".

وتابعت: "أخذت ركن لوحدي علشان عايز أقابل ربنا وهو راضي عني، ويرزقني حسن الخاتمة".

عفاف شعيب: اتطلقت بسبب عمل سحر وشعوذة

اجابت الفنانة عفاف شعيب: "انا خايبه في الزواج وتعرضت للسحر والشعوذة في حياتي، معقبة: "مفيش حد جه عليا وأقول يارب إلا وربنا بيجيب لي حقي".

وأضافت: "اللي عملتلي العمل وأذتني قولت يارب أنت وكيلي وحسيبي، العربية اتقلبت بيها وعايشة عاجزة لحد دلوقتي.. كانت غير معروفة ولم تكن شخصية عامة".

بكاء عفاف شعيب اثناء حديثها عن شويكار

دخلت الفنانة عفاف شعيب، في نوبة بكاء اثناء حديثها عن شويكار، قائله: "اتصلت عليا قبل ما تموت بأسبوع، وقالت لي عفاف أوعي تنسيني، قولت لها محدش ينساكي أنتي جميلة الجميلات".

وواصلت الفنانة عفاف شعيب: "كنت بحبها من قلبي، وكررت أوعي تنسيني 3 مرات خلال المكالمة، وقلقت عليها بعد المكالمة، واتصلت عليها بعدها بيومين لكنها لم ترد".

خبر الوفاة

وكشفت الفنانة عفاف شعيب عن معرفتها بخبر الوفاة: "عرفت بعدها بخبر الوفاة، وهي كانت تعبانة لكنها كانت تقاوم"، مضيفه: "كانت تصلي الفجر دائما قبل ما تنام".