تامر حسني: أغنية حياتنا من فيلم بحبك كاملة النهاردة.. طلباتكم أوامر

قال الفنان تامر حسني، إنه يستعد لطرح أغنية “حياتنا” من فيلم “بحبك” كاملة اليوم، بناء على طلب الجماهير.

نشر تامر حسني، من خلال حسابه الرسمي على “الفيسبوك” منشور قائلا فيه: "جمعة مباركة على الجميع
بما انكم كل شوية تحطولي صورة عمر و سلمى ٢ بتاعة مشهد فين الساعة وتقولولي فين حياتنا وهتجوزك".

واضاف تامر حسني: “تأخير اغنية حياتنا حصل عشان الاغنيه فيها اجزاء شبه احداث الفيلم واجزاء بتتكلم عن الدنيا وحياتنا بشكل عام عشان كدا استخدمنا اجزاء منها فقط في فيلم بحبك”.

وتابع:" المهم بقى بما انكم عايزينها كامله روحت المونتاچ وعمرو عاكف مشكور فضى وقته ورجع اشتغل فيها تاني عشان خاطركم هنزلهالكم كاملة إن شاء الله النهارده الساعة ٤ ... حياتنا من فيلم بحبك وقريباً ان شاء الله اغنية هتجوزك كاملة.. طلباتكم أوامر يا عسليات".

استعدادات تامر حسني لاحياء حفله في الاسكندرية

ويواصل تامر حسني استعداداته، لإحياء حفل غنائي ضخم في اليكس أرينا بچويل فيستيفال الاسكندرية وذلك مساء غد.

وأعلن تامر حسني، عن الحفل عبر صفحاته الرسمية على مواقع التواصل الاجتماعي، قائلاً: “حبايب قلبي طلاب الثانوية العامة بالاسكندرية مستنيكوا يوم 24-9 هنحتفل ب نجاحكم ونعمل أحلى حفلة في الإسكندرية”.

وفي سياق اخر أوفى تامر حسني بوعده مع مطرب المترو

الظهور الاول للشاب احمد حمادة مع تامر حسني

يستعد الشاب أحمد حماده للظهور الاول مع الفنان تامر حسني فى حفلته الغنائية التى من المقرر ان تقام يوم السبت القادم بمدينة الاسكندرية .

والجدير بالذكر ان يشارك أحمد حماده الفنان تامر حسني الغناء فى أحدي الاغاني ، وهو الامر الذى التزم بتنفيذه تامر حسني بعدما وعده بذلك .

وكان تامر حسني قد إنتهي من تسجيل أغنية جديدة مع احمد حمادة ويشاركهم فيها الغناء عدد من المواهب الشابة .

تامر حسني يطلق مبادرة لعلاج مرض ضمور العضلات

شارك الفنان تامر حسني، متابعيه بصورة لأحد الأطفال مصابي مرض ضمور العضلات، وحث جمهوره على المساهمة في علاج هذا المرض، كمبادرة منه.

وعلق تامر حسني، عبر انستجرام: «يا جماعه مرض ضمور العضلات منتشر جداً في عصرنا ده ربنا يعافي الجميع تخيلوا لو مليون واحد بس من عدد سكان بلدنا العظيمة لو دفع ٣٠ جنيها بس هيساهم في احياء طفلة في لحظة واحدة طفلة بتتعذب كل لحظة هي و اهلها ،، امنية حياتي والله العظيم دلوقتي ، يتعمل ابليكيشن تحت رعاية الدولة و تتسمى (( المليون اخ)) و تبقى على تليفونات الناس اللي هتتبرع مليون واحد هتجيلهم رسالة حسب خطورة المرض و نوعه و تكلفته العامة و المطلوب منه و في سيستم يقدر يدخل بنفسه يشوف اسمه و تبرعه راح فين و ان المريض اتعالج خلاص و تجيله رساله شكراً صدقتك احيت نفس بل اسرة كامله .. انا كفنان جاهز لأي جهه هتتبنى الفكرة دي اني اكون داعم ليها و معلن عنها لو الجهه محتاجه ليا شخصياً او لصوتي ان شالله أنزل ألم التبرعات بنفسي و اخبط على بيت بيت و ده لوجه الله و لخدمة شعبنا و اهالينا المحتاجين»

واضاف تامر حسني: «اللي هيشترك،،،،،،، مره هيدفع ١٠ جنيه … مره خمسه …. مره ٣٠ اقصى حاجه ٤٠ جنيها لان حقنة علاج المرض دا ب ٤٠ مليونا و دي اغلى حاجه تخيلوا لما ب ٤٠ جنيها بس تنقذ روح بني آدم يعني هتدفع صدقه و هتنقذ روح و انت في بيتك و الصدقه فيها اجر عظيم تحمي نفسك بيها تحمي ولادك و كل اللي بتحبهم و تبقى صدقه جاريه في كل حياتك …. قيمة الصدقه عند ربنا كبيره اوي اوي فوق ما تتخيلوا يا جماعة متتخيلوش بتشيل عننا حاجات صعبه قد ايه لو عرفناها هنبكي فرحاً من رحمة ربنا … يارب حد يسمعني».

وانهي تامر حسني حديثه قائلا: «و كدا باذن الله مش هيكون في مريض محتاج .. و لو عندنا مشاكل كتير في مجتمعنا آدينا بوحدتنا و بحبنا لبعض بنشيل مشكلة منهم».