محمد عبد الشافي يكشف لـ ”وجه مصر” طرق اختيار البراعم وسر حبه للعبة المصارعة ”حوار”

تعتبر المصارعة من الرياضيات المشرفة في تمثيلها على المستوى الدولي وحققت لمصر العديد من الإنجازات في الماضي والحاضر، حتى أصبحت رياضة مصرية شهيرة، وبالرغم من عدم شعبيتها حتي الآن الا أن هناك أندية ومراكز شباب مازالت تتقن هذه اللعبة وتحقق العديد من البطولات.

وأجرى موقع وجه مصر حوار خاص مع كابتن محمد عبدالشافي اللاعب السابق والمدرب الحالي للمصارعة بمركز شباب إمبابة ليكشف سر استمراره في المصارعة، وما هي طرق تعليم المصارعة للبراعم ومدي تأثيرها عليهم وسر عدم شعبية المصارعة في مصر.

س1: ممكن تعرفنا بنفسك ؟

اسمي محمد عبدالشافي عندي 23 سنة درست في كلية تربية رياضية جامعة حلوان .. وكنت لاعب مصارعة من 2009 لحد 2017 بعد كدة بقيت مدرب في 2018، وطبعا في أول سنة ليا كمدرب جيت في نص الموسم ومحققتش حاجة، وفي 2019 جبت 3 ميداليات ( دهب وبرونز للبراعم .. وفضة في بطولة الـ 20 سنة )، وكمان خدت الدرع العام في بطولة الجيزة لجميع المراحل .. بعد كدة وقفنا تدريب فترة الكورونا، و وفي 2022 كنت مسئول عن بطولة مهرجان البراعم وجبت فيها 6 ميداليات ( ميدالية ذهب و2 فضة و3 برونز )

س2: كيف تختار البراعم والناشئين ؟

احنا بنختار عدد من اللاعيبة سواء كانوا من المدارس أو من الخارج وبنبدأ نقيم علي حسب اذا كان اللاعب مؤهل للعب وهيئة جسمه مناسبة ولا لا، وأهم حاجة طبعا أنه يكون حابب اللعبة.

س3: هل المصارعة دي ممكن تأثر سلبي علي اللاعب أو يتجه بسببها للعنف ؟

لا بالعكس هو بيطلع الكبت اللي جواه أو الطاقة السلبية اللي عنده في اللعبة لحد ما بيبدأ ينضج في اللعبة ويفهم أن دي لعبة رياضية ، وكمان المصارعة زيها زي أي رياضة وهي رياضة أوليمبية من أوائل الرياضيات الأوليمبية في العالم.

س4: كيف تتعامل مع البراعم ؟

بحاول أوصل للسن بتاعهم وأشوف هو بيفكر في ايه أو اللاعب عاوز يوصل لايه وابدأ اتعامل مع كل لاعب بطريقته هو .. كمان بيكون فيه تحفيز معنوي ليهم .

س5: ما هي مدة التمرين ؟

التمرين مدته ٤ أيام في الأسبوع، كل يوم من الاربعة بيكون وقته من ساعة ونص لساعتين دي في الأيام العادية، لكن قبل أي بطولة بنعمل معسكر مغلق بيكون فيه التمرين يوميا استعدادا للبطولة.

س7: من هو مثلك الأعلي في المصارعة ؟

فيه عدد كبير من المدربين في مجال المصارعة كويسين داخل مصر زي دكتور أشرف حافظ ودكتور فرج عبدالرازق دكاترتي في الكلية واتعلمت منهم كتير وفيه كمان كابتن محمد حلمي هو أول مدرب علمني وكابتن بوجي هو مدرب مصري بالخارج والمستشار الفني لمنتخب أمريكيا .. لكن الممتن له في تدريبي للمصارعة هو الحكم الدولي والأب الروحي كابتن حسام الجنزوري.

س8: ما هو سر حبك الشديد لمركز شباب إمبابة ؟

لما كنت بشوف مباريات الكرة وانا صغير كنت دايما بحب اللاعبين المخلصين لمكانهم وناديهم، فانا من صغري بحب النادي لانه مكاني وهو السبب اللي خلاني أكون لاعب كويس وكمان اداني الفرصة اني اكون مدرب.