ظهور جديد لـ انتصار وابنتها على أتغام ”يا طبطب وأدلع”

نشرت الفنانة انتصار وابنتها شاهستا، فيديو على أغنية “يا طبطب وأدلع” للفنانة نانسي عجرم، وذلك بعد أيام قليلة على تصريحاتهم المثيرة.

تصريحات انتصار في برنامج كلمة اخيرة

قالت الفنانة انتصار، إن الكثيرين يتصورون أن حياة الفنان سهلة ويسيرة وعبارة عن حفلات وريد كاربت ولا يعلمون حجم الضغط الذي يتعرض له الفنان خلف الكواليس كونها مهنة صعبة تسرق الوقت والعمر.

وقالت خلال برنامج "كلمة أخيرة " على قناة ON: الإعلام والسوشيال يمديا دائماً بيبجيبوا حياة الفنان من بره، ومش بيظهروا للناس الصعوبات رغم أنها المهنة الأكثر قسوة على الجهاز العصبي للإنسان.

وتابعت انتصار: ولادك كبروا وخلاص بيشقوا طريقهم مش خايفة من الوحدة، وخاصة أن مهنة الفن ليس لها أمان، قالت: مش قافلة الباب، ولا فتحاه، بس لسه ماجاش الحد اللى يتوائم مع ظروفي، فالظروف تتغير مع الوقت، فكل وضع بيختلف "السنجل"، بيختلف عن ما تكون المراة عندها أولاد، أو مشهورة، كل دي مستجدات قد يكون صعوبة في إيجاد من يقبلها.

ابنة الفنانة انتصار تحصل على لقب ملكة جمال مراهقات مصر لعام 2022

قالت شاهيستا ابنة الفنانة انتصار في برنامج كلمة اخيرة :مكنتش متوقعة أني أكسب ملكة جمال المراهقات أنا قولت بس أعمل اللي عليا ونشوف النتيجة هتبقى عاملة ايه و أكتر حاجة كانت مفيدة في تجربة مشابقة ملكة جمال المراهقين أن أنا عرفت أن فيه ناس مختلفة في الدنيا أشكال مختلفة وشخصيات مختلفة والثقة بالنفس أكتشفت انها حاجة مهمة جدا

وأضافت شاهيستا: ماما كانت دايما بتقولي خلي عنك ثقة في نفسك ومتخليش حد يهز فيكي أو يقلل منك وخليكي دايما مركزة على الهدف بتاعك قالت كنت بروح أعيط لجدتي عشان كان فيه ناس بتحبط

وتابعت شاهيستا :المفروض كل بنت تحس أنها حلوة عشان كل واحد جميل بطريقته وأنا طبعا شايفة أن أنا حلوة الحمد لله ولما بعوز ماما بلاقيها، واحنا صحاب وعندي أخ فالموضوع مساعدني دايما أن أنا اروح اشتكي لأخويا

وأردفت: لو جاتلي الفرصة أبقى راقصة باليه هعمل كدا وهخش حفلات وأقدم حفلات مع ناس مهمة وأنا اصلا بحب استعرض قدام الناس وأقف على المسرح قدام الجمهور واضافت بفكر أني أمثل بس مش عارفة أخدها كهواية ولا وظيفة كاملة بس كدا كدا أنا حاطة التمثيل اختيار قدامي