نهي العمروسي توجه رسالة لجمهورها: ظُلمت بدخول السجن
تحدثت الفنانة نهي العمروسي عن حياتها الشخصية ودخولها السجن وحقيقة تعاطيها المخدرات، إضافة إلى قضية ابنتها.
وقالت العمروسي، خلال إستضافتها في برنامج "كلام الناس" الذي تقدمه الإعلامية ياسمين عز، الذي تم عرضة علي قناة MBC مصر، إن ابنتها نازلي مصطفى كريم، استطاعت تجاوز أزمتها التي تصدرت الرأى العام بداية 2021.
وتابعت العمروسى، أنها خلال أزمة أبنتها لم تصرح بأى تصريح، معقبة:" غلطت فى تربية بنتى وغلطات كبيرة كمان ولكن لم أقصد".
وأكدت نهي العمروسي، أنها ظلمت فى دخولها السجن، معقبة:" عملت تحليل وأثبت أنني لا أتعاطى المخدرات ولا سجاير ".
وأضافت: "انا مش فى موقع دفاع عن النفس اللى عايز يشتم يشتم كل اللى حصلى مرض فى عينى زى مرض أم كلثوم وقالوا دا سبب مخدرات".
وأكملت حديثها قائلة: "مش هـ هزأ نفسي .. نهى العمروسي : عرفت قيمتي لما كبرت"
و أكدت نهى العمروسى، أن ابتعادها عن الفن بسبب قلة الأعمال الفنية التى تعرض عليها، إضافة إلى عدم مناسبتها مع تاريخها الفنى.
مش ههزأ نفسي فى أعمال مش مناسبة
وتابعت: " مش هـ هزأ نفسى فى اعمال مش مناسبة، قاعدة محترمة نفسي ومحترمة الجمهور".
وأضافت نهى العمروسى، أنها لا تكترث إلى عدم التقدير، ولا تكترث لقلة الأعمال التى تعرض عليها، معقبة:" الاول كنت بعيط وبتقهر، لما كبرت عرفت قيمة نفسى ومش فارقة".
ومن ناحية أخري حرصت نهي العمروسي علي توجية رسالة للجهمور بعد عرض حلقتها يوم الخميس 15 سبتمبر وذلك علر صفحتها الشخصية موقع التواصل الإجتماعي "فيس بوك".
وكتبت نهي العمروسي عبر صفحتها الشخصية : "كان نفسي برضو إنكم تاخدوا بالكم من رسايل تانية قلتها أعتقد إنها مهمة، منها القبول، إزاي تقدر تقبل أي حاجة تحصل لك مهما كانت محزنة أو مؤلمة لإنها (مكتوب)، قدر، القبول ده مفتاح السعادة والرضا.. فيه برضو حاجة تانية أظن إنها رسالة مهمة عن (إدمان النت) وخطورته على المجتمع وإنه مرض بيتعالجوا منه في المصحات اسمه الـ Internet psychosis ، وإزاي خلانا نفقد التواصل الإنساني وأد إيه إحنا بنتبرمج من خلاله".
اتصلوا يا جماعة بالطبيعة، اقعدوا على الأرض امشوا حافيين
وتابعت نهى: "الرسالة التالتة كانت عن طاقة كوكب الأرض اللي واقفة أو حاصل لها blackout لليوم العاشر النهاردة، لإن دي ظاهرة مش طبيعية خالص إن الأرض فجأة ما تصدرش طاقة، الطاقة دي اسمها ال Schuman Resonance 7.83 Hz ,، اعملوا سيرش علي الكلام ده عشان تتأكدوا وعشان تتنوروا بمعلومات أكتر عن أمنا الأرض وإزاي طاقتها دي بتشفي أرواحنا مش بس أجسامنا".
واختتمت "بصراحة المعرفة هي اللي شاغلة وقتي ودماغي بقالها فترة طويلة، وده اللي أحب أشاركه مع الناس وأكيد ده أجمل وأقيم من تريندات الفضايح والتنمر، لإن المعرفة نور والجهل عتمة وضلمة، والنور هو طريق ربنا والضلمة هي طريق الشيطان".
