بوسي تحسم الجدل بشأن انفصالها عن هشام ربيع
تحدثت المطربة بوسي عن بعض تفاصيل حياتها الشخصية، وذلك خلال مداخلتها الهاتفية ببرنامج "90 دقيقة" الذي تقدمة الإعلامية بسمة وهبة.
أشارت المطربة بوسي، إلى أنها لا تحب الحديث عن حياتها الشخصية، قائلة: أنا ما بحبش أرد على الشائعات، ومش هرد على حاجة، أنا بتكلم عن شغلي بس، واتفقت مع زوجي على إنه يُردّ طليقته؛ لأني عارفة قيمة الضَّنا، وأولاده صحاب ابني، ولما اتجوزنا، كان منفصل عن مراته من فترة، وعمري ما هتجوِّز راجل وهو على ذمته واحدة تانية.
وأضافت: الناس بتشتمني وبتغلط فيا من غير ما تعرف عني حاجة أو تتحرى عني، ولا أفهم سر انشغال السوشيال ميديا بحياتي الشخصية.
بوسي: أنا ما اتطلقتش.. وحياتنا مستمرة
وتحدثت بوسي عن أمر وفاة والدها، قائلة: اللي بيقول باباها ميت غضبان عليها؛ إيش عرفك؟، هو أنت كنت من بقية أهلي؟، ليه بتدِّعُوا الكلام، المشكلة إن الكلام من زمايلي اللي واكلين معايا عيش وملح، الكلام ده طلع من زميل، ومش هقول اسمه، زعلان مني؛ عشان ما عزمتهوش على الفرح.
وتابعت: الناس إيه اللي عرَّفها إن في مشاكل؟، أنا ما اتطلَّقتش، وحياتنا مستمرة، وما مسحتش صورنا مع بعض، وما نزِّلتِش غير صورنا في الفرح، والله العظيم ما مسحت صورنا، أمسحها ليه؟، حياتنا تخصنا مش تخص حد تاني، وبالنسبة لأبي؛ فقد تصالحت معه قبل وفاته، ولم أعلم بوفاته إلا بعد الدفن بيومين.
أخر أعمال بوسي
يذكر أن الفنانة بوسي طرحت مؤخرا أغنية بعنوان "ألو ألو" برفقة المطرب محمود الليثي الذي حققت نجاحا كبيرا عبرقناتة "يوتيوب" وهي من كلمات ملاك عادل، ألحان محمود الليثي.
كلمات أغنية ألو ألو
وتقول كلمات الأغنية: "الو الو الو الو مين هنا انا هنا مين معايا انا معاكي مين الباشا انا الليثي اه يا حودة يا بوسي بوسي يا عاشق يا بسبوسة ابني اهدى يا جلاشة طب نافوخنا اه يا نافوخي احنا دوخنا ماتودخي من كلامك ليه لابخني هي خوخة جتني دوخة من ايه قلبي واقع وقعة سوخة يا حلاوة يا بقلاوة انا في قلبي 200 واوا جاي تثبت مين يا كوكو احنا دهنا الهوا دوكو واقع واقع واقع بطل يا واد بصبصة شغل العيال ومياصة بطل يا واد بصبصة شغل العيال ومياصة لأ ده انا اعاكسك ابصبصلك يا قمر ياللي مفيش مثلك لأ ده انا اعاكسك ابصبصلك يا قمر ياللي مفيش مثلك من حلاوتها انا يغمى عليا مقدرتش اقف على رجليا من حلاوتها انا يغمى عليا مقدرتش اقف على رجليا اه من الحلاوة اه من الشقاوة".
