عمر كمال: أنا كنت تحت البلاط وجبتها من الصفر
تحدث الفنان عمر كمال، عن بداياته قبل دخوله مجال الغناء، مشيرًا إلى أنه كان يعمل في محطة وقود "بنزينة"، بجانب الحديث عن سبب ابتعاده عن المهرجانات الشعبية في الفترة الأخيرة.
وقال عمر كمال: أنا كنت تحت البلاط وجبتها من الصفر وناس كتير بيحقدوا عليا ومش حابين دا؛ لأن عندهم عقدة الخواجة وفاكرين الفنان بيتولد بمعلقة ذهب، ومرة روحت فرح شخص ما معروف ومحترم والناس انتقدتني وقالوا مين دا؟.
وتابع: أنا كنت شغال في بنزينة والزبون مكنش بيفتح شباك العربية يكلمني؛ ومع ذلك عمري ما حقدت على حد وكنت بقول ربنا يكرمهم.. ودلوقتي لما بروح بنزينة بنزل بنفسي أسلم على كل الناس.
وتطرق عمر كمال للحديث عن سبب ابتعاده عن المهرجانات الشعبية في الآونة الأخيرة، قائلًا: مبعدتش عن المهرجانات بس أنا بحب كل ألوان الغناء ولقيت الجمهور بيحب اللون الشعبي "المقسوم" وبالتالي قررت أعمله.. لأن مهمتي هي إسعاد الناس وإني أعدل مزاج المواطن وأشوف بيحب يسمع إيه وأعمله.
أخر اعمال عمركمال
يذكر أن مطرب المهرجانات عمر كمال كان قد طرح أمس أغنية بعنوان " خلينا سهرانين" وهي من كلمات وألحان عمرو قطب توزيع وسام عبد المنعم.
كلمات أغنية خلينا سهرانين
وتقول كلمات الأغنية "بقي دا اسمه كلام بقي حد يسيب الناس الحلوه دي ويقول سلام بقي دا اسمه كلام دا احنا ما صدقنا نشوف بعض تقوم تمشي قوام دا السهره يا دوب لسه بتبدأ والجو ياروحي عليه يخلي اللي مانمش بقالوا أسبوع يسهر ما ينام تمشي تروح فين .. خلينا سهرانين دا الجو جميل .. والناس كلها صاحيين مستعجل ليه .. هو ورانا ايه دا الليل لسه في أوله .. والناس كلها صاحيين تمشي تروح فين خلينا سهرانين دا الجو جميل والناس كلها صاحيين مستعجل ليه هو احنا ورانا ايه دا الليل لسه في أوله والناس كلها صاحيين".
