مني الشاذلي تفاجئ دينا الشربيني بسؤال مفاجئ على الهواء

تحدثت الفنانة دينا الشربني حول العديد من الأمور في حياتها الشخصية والمهنية،من اهمها علاقتها بالسوشيال ميديا، واكدت علي أن علاقتها بها غير جيدة، ماعدا تطبيق تيك توك، وصرحت: «علاقتي بالسوشيال ميديا نيلة.. بحس إني مش شاطرة فيها وممكن أعك الدنيا وكمان الناس فيها متدخلين في حياة بعض أوي.. لكن بحب التيك توك»

وعن توجيه السؤال لها عن ما تعلمته من تجاربها السابقة، وصرحت في برنامج «معكم منى الشاذلى» مساء اليوم، أنها تعلمت ألا تقوم بالحكم علي على حياة الأشخاص من الخارج، قائلة: «اتعلمت إن ممكن أبقى شايفة حد من برا إن حياته بشكل ما لكنها في الحقيقة بشكل تانى.. يعنى ممكن تبقي شايفة حاجة من برا بس عمرك ما تبقى عارفة إيه اللى جوا.. لذلك لا تحكم ولا تتكلم في الموضوع أصلا لأن عمرك ما هتعرف إيه اللى بيحصل».

وتابعت: «اتعلمت كمان إن دايما ربنا بيبقي شايلك الأحسن وبيجبلك الحاجات في الوقت المناسب.. ومفيش حاجة ربنا عملهالك من غير سبب.. هو عملها عشان تتعلمي منها حاجة».

قاطعتها منى الشاذلى اثناء حديثها قائلة: «يعنى اتعلمتي إن مينزلكيش صورة مكتوب عليها فريق العمل؟» واجابت دينا الشربينى مبتسمة: «ده أكيد.. والله ما هتشوفوني فريق عمل في حياتى.. هيبقي في عمل بس».

وصرحت: «فضلت فترة بيتقال (فريق العمل راح وجه)، بس أنا مش من النوع اللى بيدور كتير على السوشيال ميديا فمكنتش بقرأ كل الكلام ده، وكمان عمرى ما هعرف أحكم الناس يقولوا إيه وميقولوش إيه، بس اتعلمت إن بعد كده مش هيبقى في فريق عمل هيبقى في عمل بس».

وصرح الفنان عمرو دياب عام 2018 قبل ارتباطه بالفنانة دينا الشربينى إنها من فريق عمل فيلمه الجديد «الشهرة» والذى لم يتم عرضه حتي الان ، و قام الجمهور باستغلال كلمة الهضبة «فريق العمل» التى وصف بها علاقته بها، حيث تصدرت موقع التواصل الاجتماعى «تويتر» ضمن قائمة الأكثر بحثًا.

تفاصيل الخلاف بين دينا الشربيني وكاملة ابو ذكري

واكدت دينا الشربينى، خلال حوارها ببرنامج " معكم" على قناة سي بي سي، مع الإعلامية منى الشاذلي، لم يحدث خلاف بينها وبين كاملة أبو ذكري، بسبب مشكلة فى مسلسل زي الشمس.
واشارت دينا الشربينى، إلى أنها كانت تتمنى العمل معها، وحدثت المقابلة فى الجونة وتم التصالح.