محمد عطية: مش فاهم لية الست عندها شرف و الراجل لا

تحدث الفنان محمد عطية، عن قضية الطالبة نيرة أشرف المعروفة إعلاميا بـ "فتاة المنصورة"، معربًا عن غضبه بشأن الكشف عن عذريتها.

وطالب الفنان محمد عطية بمحاسبة المتسبب في إعلان الأمر، وذلك خلال استضافته في برنامج "شو القصة" الذي تقدمه الإعلامية رابعة الزيات.

وقال محمد عطية: الرجل الشرقي بيروح يجيب واحد متحررة وعايز يغيرها، طيب ما تروح تجيب واحدة شبهك من الأساس.

وتابع: اللي حصل في موضوع نيرة أشرف التشريح ده موجود في كل جرائم القتل، لكن إعلان فكرة هي عذراء ولا لأ، دي حاجة المسؤولين المفروض يحاسبوا المتسبب عليها جدًا، لأن دي بتعكس إزاي المجتمع بيحكم على على المرأة أو القتيلة من خلال شرفها اللي بيتمثل في علاقاتها الجنسية.

وأضاف: طب ليه الست عندها شرف والراجل لأ؟ مش فاهم، هل علشان الرجل معندوش علامة إنه فقد عذريته هل كده لم يفقد عذريته؟.

ولفت محمد عطية، إلى أنه مع المساواة بين الرجل والمرأة قائلًا: العذرية ليست دليل على شرف المرأة ولا على علاقتها الجنسية ولا أكلها ولا شربها، أنا مع المساواة 100% الل يطبق على الراجل يطبق على البنت.

أؤيد حكم إعدام قاتل نيرة

واستكمل: أنا مش مع حكم الإعدام على قاتل نيرة أشرف، ولا مع إذاعة تنفيذ الحكم، يعاقب بالمؤبد ويضيع عمره وهو بيعذب في السجن، أنا عندي مبدأ إنه لا يجوز إني أنجرف وراء عواطفي وأبقى شخص مشابه للشخص اللي ارتكب الجريمة لأني هبقى زيه في وقت من الأوقات، لو حد تعرضلي بأي شكل ورديت له بنفس الفعل بتاعه هبقى زيه، أنا في الأخر في هذا العالم الغريب لازم الواحد يحافظ على إنسانيته على قد ما يقدر.

وعن إمكانية تقبله فكرة أن قرار الطلاق من المرأة، قال: "الموضوع أبسط من كدة، أنا قولت لكل اللي ارتبطت بيهم لو حسيتي انك مابقيتيش بتحبيني امشي، دا سبب كافي بالنسبة لي".

في حاجات في الدين صعب أتقبلها

وعن علاقاته العاطفية ومعتقداته، قال محمد عطيه: "في حاجات كتير في الدين صعب أتقبلها، زي القتل باسم الدين، وتعدد الزوجات، من يريده ينفذه، لكنه بالنسبة لي مرفوض".

وأكد أنه لا يمانع الزواج من لا دينية، قائلا: "المهم تكون إنسانة، ده لو أتجوزت أصلا لأن الزواج عرف بشري اخترعوه بسبب الزراعة، ولو أنا بحب إنسانة ليه المجتمع والقوانين تدخل ما بينا؟ الأنسب نتجوز من غير عقد زي المساكنة، لأن المعظم بيتجوز عمياني مع أن الجنس جزء مهم في العلاقة، وأغلب حالات الطلاق بتحصل بسبب عدم توافق الحياة الجنسية، فالأفضل نعيش مساكنة ونشوف ينفع نعيش مع بعض ولا لأ".

مستحيل أتجوز

وتابع الفنان محمد عطيه: مستحيل أتجوز واحدة لأني شفتها وعجبتني فاروح أتقدم لها ونعيش مع بعض ونخلف، لأن الجواز مسؤولية كبيرة، مضيفًا: أنا حبيت كتير في حياتي.

محمد عاطية: كنت شرقي وذكوري لحد سن الـ30

وتحدث عطية عن تحول أفكاره من الشرقية الذكورية للمتحررة، قائلا: "كنت شرقي وذكوري لحد سن الـ30، وكنت شخص سيء جدًا في العلاقات، وبتدخل في أمور لا تخصني مثل أنت لابسة ايه بتكلمي مين، لابسه كده ما تنزليش مياه بالمايوه، وأرى أن ده مش حرص واهتمام ولا غيرة، فليه أنا من حقي أسألها في الحاجات دي ومن حقها هي.

كنت أسوأ من سي السيد

وواصل حديثه قائلا: في نقطة مهمة العلاقات مبينة على الثقة، والتدخل في اللبس والخروج كل الحاجات دي متعبة والخناقات بتحصل على الفاضي والطلاق بسبب كده فأنا كنت أسوأ من سي السيد، وبشوف إن ده قمة في إهانة المرأة فالعلاقة مش محتاجة ليد عليا ولا قائد للسفينة، وبشفق على الستات في الشرق الأوسط ومن التدخل في لبسها وحياتها الجنسية، ونفسي نسيب المرأة في حالها ليه شاغلين بالنا بالجنس والست نفسي نتكلم في حاجة تانية ونسيبها في حالها.

يذكر أن محمد عطية انتهى مؤخرا من تصوير مسلسل "روح" كارين رزق الله وإنتاج day 2 pictures وإخراج سامي كوجان.