شهيرة: كنت بقدر أي معجبة تقول لمحمود ياسين ”بحبك”

تصدرت الفنانة المعتزلة شهيرة تريند جوجل خلال الساعات الأخيرة، وذلك بعد الكشف عن تفاصيل حياتها الشخصية والحديث عن زوجها الفنان الراحل محمود ياسين وذلك خلال استضافتها في برنامج "كلام الناس" الذي تقدمة الإعلامية ياسمين عز، ويعرض علي قناة MBC مصر.

محمود ياسين كان تقيل

وقالت شهيرة خلال اللقاء: "محمود ياسين كان تقيل مش خفيف، وكان محاط بأجمل النجمات والمعجبات من كل الأعمار، وأنا اللي كنت بساعده في أنه يتواصل مع المعجبات في البيت، وهو في الأساس خجول ولما واحدة تقوله أنا بحبك ونفسي أشوفك كان يبقى مكسوف جدًّا وهو بيرد".

وأضافت شهيرة: "أنا كنت بقدر أي معجبة تقوله بحبك، ومرة واحدة جت اتشعلقت في رقبته وأنا واقفة جنبه وما عملتش حاجة، والغيرة عندي تكون لما يبقى فيه ناقوس خطر ويكون واحدة عندها رغبة مش حلوة وقتها كنت أتدخل".

وتابعت الفنانة المعتزلة: "كنت أتدخل لو حسيت إن فيه واحدة عايزة تخطف محمود ياسين وتخرب البيت، ولما كانت واحدة بتبقى عايزة تخرب بيتي كنت بتكلم معاه فيقول لي المقص اللي تقص بيه ضافر رجلك برقبة كل المعجبات".

الفترة الأخيرة لمحمود ياسين

ومن ناحية أخري، كشفت الفنان شهيرة عن تفاصيل الفترة الأخيرة التي قضتها مع زوجها الفنان الراحل محمود ياسين أثناء رحلة مرضه قائلة " إن ربنا كان مسخرها لخدمة زوجها، ورفضت الاستعانة بأى ممرضة لكى تتقاسم معها مشقة التمريض لرجل تجاوز عمره السبعين".

وأضافت شهيرة، إن الطبيب المعالج للراحل محمود ياسين طلب منها أن تهتم بنفسها، وقال لها اهتمى بأستاذ محمود، وكل حاجة بس ليكى 4 ساعات في اليوم اهتمى بنفسك إنتى بس".

أولادى كانوا بيتخانقوا معايا عشان أجيب ممرضة

وأردفت شهيرة: "أولادى كانوا بيتخانقوا معايا عشان أجيب ممرضة بس كنت علطول برفض، وقررت خدمة زوجى محمود ياسين حتى يوم وفاته"، وأكدت أن ربنا سخرها لخدمة زوجها أثناء مرضه لأنه كان إنسانا جميلا، مضيفة: "مش كل واحد ضامن مين ممكن يشيله في مرضه".

وواصلت الإعلامية ياسمين عز حديثها قائلة: "أنا مذهولة من رضا حضرتك وسعادتك أثناء الحديث عن الفنان الراحل محمود ياسين، ييجوا الناس بتوع مش ملزمة الزوجة تعمل إيه أكل أو مستلزمات المنزل، يسمعوا كلامك ويعرفوا يعنى إيه زواج وحب".