فيها إيه لما الست تنفصل وتتجوز 4 أو 5 مرات.. رضوي الشربيني تثير الجدل

تصدرت الإعلامية رضوي الشربيني، مؤشر البحث جوجل خلال الساعات الماضية، وذلك بعدما أدلت ببعض التصريحات المثيرة بشأن الفتاة المطلقة أو المنفصلة.

وقالت رضوى الشربيني عبر برنامجها "هي وبس": "فيها إيه لما الست تنفصل وتتجوز 4 أو 5 مرات.. ولو جوزي مش عاجبني هاطلب الطلاق واتجوز غيره.. ولو غيره معجبنيش اطلق تاني واتجوز غيره لحد ما احس براحة".

وتسبب تصريح رضوى الشربيني في موجة غضب عاصفة، حيث انهالت عليها تعليقات ناقدة بشكل كبير.

وانفعلت الإعلامية رضوى الشربيني بشدة بعد تلقيها رسالة من متابعة لبرنامجها، تحدثت فيه عن الانفصال وكأنه يقلل من قدر المرأة.

وتعتبر رضوي الشربيني من المشاهير اللاتي تجذب الأنظار حول إطلالتها سواء الكاجوال أو الكلاسيك، أو بتصريحاتها المثيرة التي تواصل فيها الهجوم على الرجال وانتقاد المرأة.

ورفعت رضوى صوتها، مؤكدة أنها هى الأُخرى منفصلة، وأنها لا تعتبر مثل هذا الأمر عيبا، بل دليل على قوة الست، معلقة قائلة: "أنا كمان منفصلة، هى منفصلة دى عندك عيب؟ ناقصك شئ؟، وعلى فكرة أنا رضوى الشربينى ومنفصلة، وكمان بشتغل وبخلى بالى على بناتى وكمان أصحابى، والحمد لله عايشة كويس وسعيدة وراضية باللى ربنا كتبهولى، وممكن تتجوزى مرة واتنين وتلاته، مش ده حلال ربنا؟

وتابعت رضوى: "مش عاوزة أى ست تقول الجملة دى تانى بالشكل ده، وإحنا هانرضى باللى ربنا قسمه وهانرضى بالقليل يعنى علشان منفصلين؟، وعلى فكرة أنا انفصلت علشان مقبلتش على نفسى حاجة غيرى قبلتها، وكون إنى قلت لأ يبقى أنا أكيد أقوى بكتير من غيرى".

وأنهت قائلة: "أنا مُنفصلة ومفيش حد يقدر يتكلم عليا، وده علشان أنا إنسانة مُحترمة، واللى بعد كده بيبقى أحلى وأجمل، انفصلى وعيشى حياتك على طبيعتها، ولو لقيتى ابن الحلال اللى يستاهلك تانى تمام مفيش أى مشكلة".

في غضون ذلك، تحرص رضوى الشربيني على التنوع و التجديد وعدم تكرار التصميمات التي ارتدتها من قبل، تقوم بتنسيق قطع المجوهرات و الإكسسوارات التي تمنحها إطلالة متكاملة.

كما تعتمد رضوى الشربيني من الناحية الجمالية، على تسريحات الشعر، وصيحات المكياج الجريئة ذات الألوان الجذابة التي تكشف عن جمال ملامحها.