”فنان بدرجة مشفتهاش في حياتي”..رامي جمال يوجه رسالة للمطرب النقاش

تحدث الفنان رامى جمال، عن أحمد سالم المعروف إعلاميا بـ "المطرب النقاش" وموهبته ومشروعه المقبل معه، من خلال فيديو عبر حسابه على موقع التواصل الاجتماعي "إنستجرام".

رامى جمال للمطرب النقاش

وقال رامى جمال: "عايز أتكلم عن القبول اللي ربنا كتبه للفنان أحمد سالم، فنان بدرجة مشفتهاش في حياتي غير مرتين تلاتة، أحمد أنا شايف القبول اللي ربنا كتبه والحب اللي أنتوا حبينوا لي فرحان جدًا أن ما زال الصوت الحلو والفن الحقيقي الناس بتحبه وبتدعمه".

وتابع جمال في حديثه: "في ناس كتير وفرحانة إني بساعد أحمد أنا مش بساعد أحمد، أنا بساعد نفسي كفنان وملحن ومطرب، والوسط الفني لما يبقى في فنانين زي أحمد بترتقي بالذوق العام ودي حاجه محتاجينها كلنا".

دي حاجه تخليني في قمة سعادتي!

وأضاف: "واتعلمت في بيت أهلي أن الفرصة لما بتيجي لحد بتبان إن ربنا اللي بعتها، وممكن أنا أحاول أسهل على أحمد مشواره في الفن، ودي حاجه تخليني في قمة سعادتي، وفي ناس بعتت تقولي أنت بتساعد أحمد عشان التريند دي مش شخصيتي ولا هتكون شخصيتي اللي بعتولي كده أكيد موهوبين كل واحد جاي لي فرصة، فرصكوا كلها جاية، وأحمد غنى هو بيشتغل رجل نقي بعد سنة ونص والفيديو ينتشر".

ربنا يديكوا أكتر من اللي اتمنتوا

واستكمل رامي جمال حديثه قائلا:"ربنا يديكوا أكتر من اللي اتمنتوا زي ما ربنا وقفني لأحمد ووقف ناس ليا زمان، هيوقف لكم ناس، ورزقكم له معاد، ولو ربنا كرمني في موضوع أحمد، دي حاجة هتشجعنا كفنانين، أنا سعيد إني شايف أن في ناس بتحب الفن الحقيقي، لو طلع لنا 15 صوت زي أحمد احنا اللي مستفيدين".

واختتم بالقول:" وبقول لكل الناس شكرًا على اللي عملتوه مع أحمد، وأنا بالنسبة لي معملتش حاجة معاه خالص لسه، أنا مش بعمل لأحمد، باعمل لنفسي عند ربنا، محدش هياخد رزقي، اللي بيسهل لحد حاجة هلاقي مليون واحد يسهلي حاجات تانية، ربنا يكتب له الخير، وإن شاء الله الفترة الجاية يبقى في مفاجآت كتير، وبقول لأحمد كفاية برامج لحد ما نخلص الأغاني".